Gəncədə daha bir kollektiv Uşaq Evini ziyarət edib. Bu haqda 29 dekabr tarixində DİİXİ Hİ Gəncə şəhər komitəsinə istinadən məlumat veririk.
Dövlət İdarələri və İctimai Xidmət İşçiləri Həmkarlar İttifaqı Gəncə şəhər komitəsinin əməkdaşları Gəncə Uşaq Evinin valideyn himayəsindən məhrum olmuş uşaqlarına baş çəkiblər. Onlar balaca fidanlara bayram sovqatı aparıblar.
Həmçinin Gəncə şəhərində müxtəlif vəzifələrdə işləmiş və binadan yıxılaraq ömürlük əlil arabasına məhkum olmuş Sahib müəllim evində ziyarət olunub. Ona ərzaq bağlaması aparılıb.
