Gəncədə mülki müdafiə ilə bağlı tədbir baş tutub. Bu haqda 16 may tarixində Birləşmiş Xəstəxanaya istinadən məlumat veririk.
“Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda tədbir Şəhər Birləşmiş Xəstəxanasının dəstəyi və Fövqəladə Hallar Nazirliyinin Gəncə Regional Mərkəzinin təşkilatçılığı ilə keçirilib. Burada səhiyyə müəssisəsinin rəhbər heyəti iştirak edib.
Nümunəvi mülki müdafiə məşqi Abbas Səhhət adına xəstəxananın akt zalında təşkil olunub. Tədbirin məqsədi fövqəladə hadisələrin nəticələri aradan qaldırılarkən rəhbər heyətinin funksional vəzifələrini yerinə yetirmələri üzrə nəzəri bilik və praktiki vərdişlərini təkmilləşdirməkdən, fövqəladə hadisələrin qarşısının alınması işində təşkilatçılığın və operativliyin artırılmasından ibarət idi.
