Gəncənin Heydər Əliyev adına Mərkəzi meydanında 1 İyun - Uşaqların Beynəlxalq Müdafiəsi Gününə həsr olunan tədbir olub.
“Voleybol hər kəs üçün!” devizi altında keçirilən tədbirin məqsədi Gəncədə və ətraf regionlarda voleybol idman növünün inkişaf etdirilməsi, kütləviliyinin artırılmasıdır.
Regional Voleybol Klubunun əhatə etdiyi şəhər və rayonlardan gələn 200-dən çox uşaq və yeniyetmənin qatıldığı oyunlar maraqlı anlarla yadda qalıb. İki saat ərzində “Voleybol hər kəs üçün!” devizi altında müxtəlif viktorinalar, müsabiqə tipli əyləncəli oyunlar keçirilib. Qaliblərə hədiyyələr təqdim olunub.
