Xəbər verdiyimiz kimi, Gəncə ərazisindən keçərək Samux rayonunda əkin sahələrinin suvarılması üçün nəzərdə tutulan arx və kanallar çirkləndirilib.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyi (MKTİB) tərədindən verilən məlumata əsasən, Gəncəçay məcrasından ayrılaraq Vəli Xuluflu, Sahil və Ceyhun Məmmədov küçəsindən keçməklə Samux rayonunun əkin sahələrinin suvarılması üçün nəzərdə tutulan arx daşma təhlükəsi ilə üzləşib.
MKTİB-nin xüsusi texnikaları və canlı qüvvəsi tərəfindən ərazi məişət və digər tullantılardan təmizlənib, suyun maneəsiz axını təmin edilib.
Qurumdan qeyd edilib ki, Gəncə şəhərinin bir çox ərazilərinə məişət tullantıları üçün müxtəlif tutumlu konteynerlər yerləşdirilsə də, bəzi sakinlər məişət və digər tullantılarını arxlara, kanallara atmağa üstünlük verirlər. Sonda isə bunlar hidrotexniki qurğularda antisanitar vəziyyət kimi xoşagəlməz vəziyyətə və bir çox hallarda mövsümdən asılı olaraq suyun daşmasına gətirib çıxarır.
