Gəncə-Daşkəsən Regional Təhsil İdarəsinin təşəbbüsü ilə görüş təşkil olunacaq. Bu haqda 12 iyun tarixində Regional Təhsil İdarəsinə istinadən xəbər veririk.
13 iyun tarixində saat 16:00-da "Valideyn Klubu" nun növbəti görüşü baş tutacaq. Burada pedaqoq, psixoloq və həkim-nevroloq ibtidai sinif şagirdlərində (6-10 yaş dövründə) disleksiya və öyrənmə problemləri, onlarda fiziki, psixoloji və pedaqoji inkişaf mərhələləri üzrə vacib məqamlara toxunaraq valideynləri maraqlandıran sualları cavablandıracaq.
Görüşdə iştirak etmək istəyən valideynlər şəxsiyyəti təsdiq edən sənədin şəklini (055) 435 27 84 nömrəsinin Whatsapp-na göndərməlidirlər. Tədbirdə qeyd edilən nömrəyə şəxsiyyəti təsdiq edən sənədi göndərmiş ilk 30 valideyn iştirak edə bilər.
