Gəncədə uşaqların əsərlərindən sərgi hazırlanıb. Bu haqda 18 fevral tarixində DİİXİ Hİ-yə istinadən məlumat veririk.
İcra Hakimiyyəti aparatı, Regional Təhsil İdarəsi ilə birlikdə Dövlət İdarələri və İctimai Xidmət İşçiləri Həmkarlar İttifaqı üzvlərinin və Gəncə uşaq evinin valideyn himayəsindən məhrum olmuş istedadlı uşaqları (5-15 yaş) arasında əl işlərindən ibarət sərgi təşkil olunub.
Tədbirdə əvvəlcə sərgiyə baxış keçirilib. Komitənin sədri Ü. Vəliyeva Heydər Əliyevin ömür yolu barədə danışıb. Balaca fidanlar, həmçinin şeir, mahnı və rəqs ifa ediblər. Tədbirə İcra Hakimiyyətinin məsul nümayəndələri, Təhsil İdarəsinin müavini, Uşaq evinin direktoru və s. qatılıblar.
Sonda 45 nəfər iştirakçıya bilik və bacarığına görə qiymətli hədiyyələr paylanılıb və xatirə şəkilləri çəkilib.
