Gəncədə insan alverinə qarşı mübarizəyə həsr olunmuş maarifləndirici tədbir keçirilib. Bu haqda 29 may tarixində İcra Hakimiyyətinə istinadən xəbər veririk.
Tədbir “Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət Planı”nın müvafiq bəndlərinin icrasının təmin edilməsi məqsədilə baş tutub.
Toplantıda İnsan Alverinə Qarşı Mübarizə Baş İdarəsinin əməkdaşları Vamiq Naməndzadə və Mahir İsrafilov öz çıxışlarında “İnsan alverinə qarşı mübarizə haqqında” Azərbaycan Respublikasının Qanununa və digər normativ hüquqi sənədlərə, sərəncamlara və aktlara istinad etməklə iştirakçılara geniş məlumat verərək , real nümunələr üzərindən praktiki fikir mübadiləsi aparıblar. Daha sonra mövzu ətrafında geniş müzakirələr aparılıb, turizm sənaye üzvlərinin müvafiq sualları cavablandırılıb.
