Gəncədə təlimlər keçiriləcək. Bu haqda 27 iyul tarixində Vəkillər Kollegiyasının Hüquqi Yardım və Tədris Mərkəzinə istinadən məlumat veririk.
Məşğələlər Azərbaycan Respublikası Vəkillər Kollegiyası, Hüquq və İnsan Haqları İnstitutu publik hüquqi şəxsin birgə əməkdaşlığı çərçivəsində baş tutacaq. 29 iyul tarixində Vəkillər Kollegiyasının üzvləri, prokurorluq və ədliyyə qurumlarının əməkdaşları və hakimlər üçün Avropa İnsan Hüquqları Konvensiyasının 3-cü maddəsi (işgəncələrin qadağan olunması) və 6-cı maddəsi (ədalətli məhkəmə araşdırması hüququ) üzrə 1 yarımgünlük təlimlər keçirilməsi nəzərdə tutulub. Təlimləri Hüquq və İnsan haqları İnstitutunun ekspertləri aparacaqlar.
Seminarlar “Vego” hoteldə baş tutacaq. İştirak etmək istəyən vəkillər aşağıdakı link vasitəsilə qeydiyyatdan keçə bilərlər:
https://forms.gle/78RTHGypgvJJkzjj6.
Qeyd edək ki, hər təlimdə yalnız 8 vəkilin iştirakı nəzərdə tutulur.
