Gəncədə yeni layihə həyata keçiriləcək. Bu haqda 6 may tarixində ADAU-ya istinadən məlumat veririk.
Azərbaycan Dövlət Aqrar Universitetində “Yaşıl Təhsil Hərəkatı” layihəsi start götürəcək. Proyekt universitetin Tələbə Gənclər Təşkilatı, Aqrar Gənclər Təşkilatı, Tələbə Həmkarlar İttifaqı Komitəsi və İnnovasiyalar Mərkəzinin birgə təşkilatçılığı ilə baş tutacaq.
Layihə çərçivəsində ətraf mühit problemləri ilə əlaqədar aktual mövzularda təlimlər, “workshop”lar, seminarlar, dəyirmi masalar və müzakirələr keçiriləcək.
Proqramın əsas məqsədi tələbələr arasında ətraf mühit problemlərinə, onların həllinə ictimai diqqəti yönəltmək və gələcəkdə baş verə biləcək fəsadların qarşısını almaqda ekoloji maarifləndirmənin vacibliyini vurğulamaqdır.
