Gəncədə bir sıra ərazilərdə zibil qutularının ətrafına tullantılar tökülüb. Bu haqda Gencexeber.az-a 8 iyun tarixində məlumat daxil olub.
Bu hal Aydın Nəbiyev və Ruhulla Axundov küçələrində müşahidə edilir. Ərazilərdə məişət və tikinti tullantılarının atılması üçün konteynerlər olmasına baxmayaraq, antisanitar vəziyyət hökm sürür. Buna səbəb zibillərin konteynerlərin ətrafına atılmasıdır.
“Kommunal işçilər isə yalnız yeşikdəkiləri boşaldır, ətrafı təmizləmirlər. Xoşagəlməz qoxu səbəbindən buradan keçmək olmur”, - deyə sakinlər qeyd ediblər.
Bundan əlavə, Cavad bəy Rəfibəyli küçəsində yolun kənarına zibillər atılıb. Qeyd edək ki, burada zibil qutuları yoxdur.
[modula id="60843"]
