Gəncədə Azərbaycan Dövlət Aqrar Universiteti və Türkiyənin Ege Universiteti arasında həyata keçirilən beynəlxalq ikili diplom proqramı çərçivəsində ADAU-da təlimlər baş tutacaq. Bu haqda 20 may tarixində ADAU-ya istinadən xəbər veririk.
ADAU-ya dəvət olunan Ege Universitetinin professor-müəllim heyəti tərəfindən təhsilin keyfiyyətini təkmilləşdirmə fəaliyyəti üzrə universitetin fakültələrində seminarlar davam edir.
Seminarlar 21 may tarixində Aqronomluq və Zoomühəndislik tədris binasının 451-ci otağında baş tutacaq. Tədbirlər saat 15:30-da Professor Doktor Füsun Nebiye Çam tərəfindən “Yenilebilir enerji kaynakları ve çevresel etkileri” və saat 16:00-da Professor Doktor Oya Özbakır tərəfindən “Topolojik uzayların hikayesi” mövzularında olacaq.
