Gəncədə türkiyəli müəllimlər tərəfindən təlimlər təşkil olunacaq. Bu haqda 21 may tarixində ADAU-ya istinadən xəbər veririk.
Ege Universitetinin əməkdaşları – professor Serdar Gökhan “Anadoluda buğdaya yön veren genceli bilim insanı Mirza Gökgöl”, Süleyman Gürdal Türkseven isə “İnsansız hava araçlarının bitki korumada kullanımı” mövzularında seminarlar keçəcəklər. Tədbirlər 22 may 15:30 və 16:00-da Azərbaycan Dövlət Aqrar Universitetinin Aqronomluq və Zoomühəndislik tədris binasındakı 451-ci auditoriyada olacaq.
Təlimlər beynəlxalq ikili diplom proqramı çərçivəsində təşkil edilir. Məşğələlər Ege Universitetinin professor-müəllim heyəti tərəfindən təhsilin keyfiyyətini təkmilləşdirmə fəaliyyəti üzrə baş tutacaq.
