Gəncəçayın çirkləndirilmiş hissəsində genişmiqyaslı təmizlik aksiyası həyata keçirilib.
Gencexeber.az-ın məlumatına görə, sözügedən işlər Gəncəçayın şəhərə Göygöl rayonu ərazisindən daxil olan hissəsində aparılıb. Gəncə şəhər Mənzil Kommunal Təsərrüfatı İstehsalat Birliyinin əməkdaşları və texnikası əraziyə cəlb olunaraq plastik qablar, torbalar və digər məişət tullantılarını toplayıblar. Zibillər bir yerə yığılaraq xüsusi nəqliyyat vasitələri ilə ərazidən daşınıb.
Qurumdan bildirilib ki, MKTİB tərəfindən çayın məcrasında və ətrafında mütəmadi olaraq təmizlik işləri həyata keçirilir. Habelə, mütəmadi xəbərdarlıqlara və ara-sıra tətbiq olunan cərimələrə baxmayaraq, məsuliyyətsiz vətəndaşların laqeyd davranışı nəticəsində çayda yenidən çirklənmə halları müşahidə olunur.
Qurum sakinləri ətraf mühitin qorunmasına daha həssas yanaşmağa çağırır.
