Gəncədə gənclər üçün növbəti klub yaradılıb. Bu haqda 15 may tarixində Gənclər Evinə istinadən məlumat veririk.
Gəncə Gənclər Evində "Teatr Klubu" fəaliyyətə başlayır. Məqsəd gənc nəslə dilimizi, ədəbiyyatımızı, şeir sənətimizi tanıtmaq və onların mənəvi-estetik zövqünün, dünyagörüşünün formalaşmasında əvəzsiz rolu olan "teatr" anlayışını aşılamaqdır.
Məşğələlərə hər kəs ödənişsiz olaraq qatıla bilər. İştirak etmək istəyən şəxslər fotodakı QR kodu skan edərək WhatsApp qrupuna üzv olmalıdırlar.
Əlavə məlumat üçün genclerevi.gence@gmail.com elektron poçt ünvanına müraciət edə bilərlər.
Qeyd edək ki, Gənclər Evi 28 May küçəsi, 34 ünvanında (Heydər Əliyev Parkında) yerləşir.
