Şəmkir rayonunun Təzəkənd kəndinə gedən yolda ciddi ekoloji problem yaranıb.
Gencexeber.az-a bu barədə kənd sakinləri tərəfindən şikayət daxil olub.
Şikayətçiləri bildirir ki, kəndə gedən yolun girişində hər iki tərəfdə məişət tullantıları yığılıb və zamanla bu zibillər geniş bir əraziyə yayılıb:
“Yığılan zibil qalıqları ətraf mühitə zərər verir və kəndin girişində xoşagəlməz mənzərə yaradır. Bu vəziyyət uzun müddətdir davam edir, lakin hələ də problemlə bağlı heç bir ciddi tədbir görülməyib. Zibilin yığılması və düzgün şəkildə atılması üçün müvafiq orqanların tədbir görməsi vacibdir. Şəmkir rayonunun müvafiq qurumlarından bu problemin həlli istiqamətində lazımi addımların atılmasını tələb edirik”.
