Gəncə şəhərində silsilə konsertlər keçiriləcək. Bu haqda 4 may tarixində Oxu.az-a istinadən xəbər veririk.
“Guseynoff” şirkətinin rəhbəri, təşkilatçı Emin Hüseynov bildirib ki, Vəfa Şərifova 9 may, Mürsəl Səfərov 19 may, Şəbnəm Tovuzlu isə 27 may tarixlərində şəhərimizə səfər edəcəklər. Şəbnəm Tovuzlu Heydər Əliyev parkında, digər müğənnilər isə Fikrət Əmirov adına Gəncə Dövlət Filarmoniyasında təşkil ediləcək konsertdə çıxış edəcəklər.
Təşkilatçı Emin Hüseynovun sözlərinə görə, şəhərimizə həm də Türkiyə ulduzlarının da gəlişi planlaşdırılır. İlkin olaraq Rafet El Romanın dəvət olunması planlaşdırılır.
Konsertlərə bilet əldə etmək üçün (055) 373 73 53 nömrəsi ilə əlaqə saxlaya bilərsiniz.
