Gəncə Dövlət Filarmoniyasında Tacikistan Mədəniyyəti Günlərinin bağlanış mərasimi olub. Bu haqda 24 may tarixində İcra Hakimiyyətinə istinadən xəbər veririk.
Konsertdə Tacikistanın Xalq artistləri Mirəli Dostizoda, Rüstəm Dulloyev, Raxmatullo Hoşimov, Əməkdar artistlər Sitorai Karomatullo, Davlat Nəzriyev, Güləsal Pulodova, Məhəmmədrafi Karomatullo, Fotimai Məşrabın, Fəxriddini Malikin, Nigina Amonkulova, Haknazar Alovatov, eləcə də Qaffar Vəlamatzadə adına Dövlət Əməkdar Rəqs Ansamblı, “Lola”, “Zebo” və “Parastu”, “Gülrez”, “Cahonoro”, “Bazmoro” rəqs ansamblları və başqaları çıxış ediblər. Burada “Sevdiyim diyar”, “Bu gözəl gözlər”, “Tacikistan-Azərbaycan”, “Sevgim”, “Dostluğun nuru” və digər mahnılar ifa olunub.
Mədəniyyət günləri çərçivəsində Tacikistan incəsənət ustalarının qala-konserti ilə yanaşı, tacik kinosu günləri və bu ölkənin rəssamlarının əsərləri, xalq sənətkarlıq nümunələri və milli geyimlərindən ibarət sərgi təşkil edilib.
