Gəncədə tələbələr üçün yeni layihə keçirilir. Bu haqda Gencexeber.az-a 27 sentyabr tarixində məlumat daxil olub.
Azərbaycan Texnologiya Universitetində təhsil alan tələbələr üçün “TİP - Tələbələrin İnkişaf Proqramı” təşkil olunur. Burada məqsəd ali təhsil müəssisələrindəki region gənclərinin fərdi inkişafını dəstəkləmək, karyera quruculuğu və layihələrin idarə olunması istiqamətlərində biliklərini və yumşaq bacarıqlarını təkmilləşdirməkdir.
Təlimləri uğurla başa vuran 10 nəfər əldə etdiyi bilik və bacarıqlarını Gənclər İctimai Birliyinin “Təcrübə Proqramı”nda praktiki olaraq davam etdirəcək.
Qeyd edək ki, “TİP - Tələbələrin İnkişaf Proqramı” adlı layihə “Gələcəyə Körpü” Gənclər İctimai Birliyi və “PAŞA Holding”in tərəfdaşlığı ilə həyata keçirilib.
