Gəncədə tələbələr üçün tədbir baş tutub. Bu haqda 6 may tarixində ADAU-ya istinadən məlumat veririk.
“Fövqəladə hallarla bağlı davranış qaydaları” mövzusunda tədbir Azərbaycan Dövlət Aqrar Universitetinin Aqrar İqtisadiyyat fakültəsində keçirilib. Burada Fövqəladə Hallar Nazirliyinin Gəncə Regional Mərkəzinin Maarifləndirmə sektorunun müdiri Elnur İmanov, baş məsləhətçi Emil Aslanov, baş məsləhətçi Leyli Abbasova, Ərazi orqanları ilə iş şöbəsinin zabiti kapitan Səkinə Məmmədova və Gəncə Regional Dövlət Yanğın Nəzarəti idarəsinin mayoru Zaur Məmmədov iştirak ediblər.
FHN-in əməkdaşları ali təhsil müəssisəsinin müəllim və tələbələrinə fövqəladə hallar, yanğın zamanı zəruri davranış qaydaları, təxliyə tədbirləri barədə ətraflı məlumat verib. Həmçinin bununla bağlı videoçarxlar nümayiş etdirilib.
Sonda iştirakçıların sualları cavablandırılıb.
