Gəncədə məktəblərdə konsertlər təşkil olunub. Bu haqda 29 dekabr tarixində Regional Mədəniyyət İdarəsinə istinadən məlumat veririk.
Yeni il və Həmryəlik Günü münasibətilə 4 nömrəli Uşaq Musiqi Məktəbində və şəhər Uşaq İncəsənət Məktəbində bayram tədbirləri keçirilib. Burada məktəblərin direktorları iştirakçıları təbrik edib və xoş arzularını çatdırıblar.
Daha sonra Musiqi Məktəbinin xalq çalğı alətləri ansamblı və şagirdlərin ifalarından ibarət musiqili proqram təqdim olunub. İncəsənət Məktəbində isə balaca şagirdlər Fikrət Əmirovun, Əşrəf Abbasovun, Tofiq Quliyevin, Pyotr Çaykovskinin, Mixail Qlinkanın və digər bəstəkarların əsərlərini səsləndiriblər.
