Gəncədə direktor müavini olmaq istəyən şəxslər üçün imtahan keçiriləcək. Bu haqda 29 sentyabr tarixində Regional Təhsil idarəsinə istinadən məlumat veririk.
Ümumi təhsil müəssisələrində tədris (təlim-tərbiyə) işi üzrə direktor müavini və məktəbdənkənar və sinifdənxaric tərbiyə işi üzrə təşkilatçı vəzifələrinə işə qəbul üzrə müsabiqənin imtahan mərhələsi 30 sentyabrda baş tutacaq. Proses 28 nömrəli tam orta məktəbdə (Azərbaycan bayrağı küçəsi, 1-ci döngə, 300) təşkil olunacaq.
İmtahanın keçirilmə müddəti 80 dəqiqədir. Namizədlərə pedaqogika və metodika, əmək və təhsil qanunvericiliyi olmaqla ümumilikdə 40 test tapşırığı təqdim olunacaq.
İmtahan saat 11:00-da başlayacaq və kompüter vasitəsilə keçiriləcək.
