Gəncədə buraxılış siniflərində təhsil alan şagirdlər üçün layihə start götürür. Bu haqda 15 dekabr tarixində Regional Təhsil idarəsinə istinadən məlumat veririk.
"Təhsil Bələdçisi" adlı yeni layihə Gəncə-Daşkəsən Regional Təhsil İdarəsinin təşkilatçılığı ilə təşkil olunacaq. Burada şagirdlər üçün müxtəlif mövzularda maarifləndirici təhsil dəstəyi göstəriləcək. İlk təlimin mövzusu IX sinif şagirdlərinə "DİM-in təşkil etdiyi buraxılış imtahan suallarının cavablandırılması qaydaları və imtahanda vaxtın idarə olunması texnikası"dır. Seminar müddətində şagirdlər məlumatlandırıldıqdan sonra mövzu ilə bağlı praktik fəaliyyət göstərəcəklər.
Layihə çərçivəsində sözügedən mövzu üzrə təlimlər Gəncə-Daşkəsən Regional Təhsil İdarəsinin tabeliyində fəaliyyət göstərən bütün ümumtəhsil məktəblərinin IX sinfində təhsil alan 7692 nəfər şagird üçün təşkil ediləcək.
