TƏBİB tərəfindən “Yaşıl dünya naminə həmrəylik ili” çərçivəsində “Təbiəti də sağaldaq” devizi ilə başladılan ağacəkmə aksiyası növbəti dəfə Gəncə şəhərində baş tutub. Bu haqda 30 may tarixində TƏBİB-yə istinadən xəbər veririk.
Aksiya Akademik Z. Məmmədov adına xəstəxananın Oftalmologiya şöbəsinin həyətində TƏBİB və Şəhər Birləşmiş Xəstəxanasının əməkdaşları tərəfindən keçirilib. Burada TƏBİB-nin İcraçı direktorunun müavini Araz Nəsirov, İcraçı direktorun müşaviri Pərvin Əkbərov, qurumun struktur bölmə rəhbərləri, ətraf rayon tibb müəssisələrinin direktorları və digər rəsmi şəxslər iştirak ediblər.
Ağacəkmə aksiyasının əsas məqsədi insanların diqqətini ekoloji vəziyyətin yaxşılaşdırılması və ətraf mühitin mühafizəsinə cəlb etmək, yaşıllıq zolaqlarının genişləndirilməsinə töhfə vermək və ekoloji mədəniyyəti təbliğ etməkdir.
