“Shokki Mokki” və “Vuvuzela Media”nın birgə ərsəyə gətirdiyi tədbir baş tutub. Bu haqda 4 iyun tarixində Apa-ya istinadən xəbər veririk.
“İdman maneə tanımır” şüarı ilə keçirilən, uşaqların zehni və fiziki inkişafında mühüm rol oynayacaq “Kiçik addımlarla böyük uğurlar” layihəsində Bakıdan və bölgələrdən 1000-dən artıq uşağın iştirakı nəzərdə tutulub. Bura “Məktəbim” proqramı çəçivəsində fəaliyyət göstərən məktəbəqədər təhsil ocaqlarındakı uşaqlar da cəlb olunacaqlar.
“Shokki Mokki” brendinin marketinq müdiri Nəzrin Əliyevanın sözlərinə görə, “Kiçik addımlarla böyük uğurlar” “Məktəbim” proqramı çərçivəsində həyata keçirilən ən böyük layihədir: “Bu gün “Məktəbim” proqramı çərçivəsində biz ən böyük yeni layihəmizi təqdim etdik: “Kiçik addımlarla böyük uğurlar”. Bu layihədə tərəfdaşımız Azərbaycanda və Azərbaycandan kənarda tanınan, bayrağımızı göylərə ucaldan “Qarabağ” idman klubudur. Klubun futbolçuları, baş məşqçisi uşaqlarla görüşlər keçirdi, onları idmana həvəsləndirəcək məsləhətlər verdi”.
Layihənin fəxri səfiri Xalq artisti Tünzalə Ağayeva isə bu layihə üçün bəstələdiyi himndən danışıb: ““Körpələrimizlə fləşmob oynadıq, rəqs etdik, mahnı oxuduq. Hansı ki, bu mahnı “Məktəbim” proqramı çərçivəsində “Kiçik addımlarla böyük uğurlar” layihəsinə həsr olunub”.
