Gəncə şəhəri üzrə Təhsil Sektorunun tabeliyində fəaliyyət göstərən ümumi təhsil müəssisələrində çalışan ibtidai sinif müəllimlərinin sertifikatlaşdırması prosesi ilə bağlı görüş baş tutub. Bu haqda 5 iyun tarixində Regional Təhsil İdarəsinə istinadən xəbər veririk.
Görüşdə şəhər üzrə Təhsil Sektorunun müdiri Nərgiz Həsənova təhsilverənlərin sertifikatlaşdırılması prosesinin təhsilin keyfiyyət göstəricilərinə, həmçinin sertifikasiya nəticəsinin təhsilverənlərin karyera inkişafına və əməyinin stimullaşdırılmasına müsbət təsirləri barədə danışıb.
Tədbirdə sertifikatlaşdırmanın mərhələləri, məzmunu ilə bağlı məsələlər barədə fikirlər səslənib. Müəllimlər üçün əlavə dəstək tədbirləri, qiymətləndirmə çərçivəsi, metodika və pedaqogika üzrə məzmun sahələri, sual sayı, bölmələr və mövzular barədə iştirakçılar məlumatlandırılıblar.
