Gəncə Regional Turizm İdarəsi şəhərimizə gələn turistləri maarifləndiriblər. Bu haqda 22 iyun tarixində Regional Turizm İdarəsinə istinadən xəbər veririk.
Serbiyadan şəhərimizə qonaq gələn iki nəfər Regional Turizm İdarəsinə müraciət edib. Onlar Gəncədə 2 gün qalacaqlarını bildirərək asudə vaxtlarını səmərəli şəkildə keçirə biləcəkləri müvafiq məkanlar barədə məlumat verilməsini xahiş ediblər. Əməkdaşımız turistlərimizə şəhərimizdə turistlərin marağına səbəb olan Butulka ev, Şah Abbas məscidi, İmamzadə kompleksi və digər görməli yerlər haqqında ətraflı danışıblar.
Turistlərimizə lazımi dəstək göstərilib. Əlavə olaraq, əməkdaşımız xarici turistlərimizi Göygöl rayonunun turizm imkanları və zəngin alman irsi haqqında məlumatlandıraraq turizm imkanlarımızın təbliğ olunduğu jurnallarla təmin edib.
