Gəncədə yaşayış binalarından birinin sakinləri evlərinin qarşısında hərəkət etməkdə çətinlik çəkirlər. Bu haqda Gencexeber.az-a 22 may tarixində məlumat daxil olub.
Sözügedən hal Heydər Əliyev prospektində yerləşən 9 mərtəbəli yaşayış binasının qarşısında müşahidə olunur. Sakinlərin sözlərinə görə, onların istirahəti və sərbəst hərəkəti üçün nəzərdə tutulan ərazi avtomobillər tərəfindən zəbt olunub. Onlar bildirirlər ki, binanın alt mərtəbəsində yerləşən obyektlərin sahibləri və ora gələn şəxslər avtomobillərini həmin ərazidə park edirlər.
Bu hal vətəndaşların narazılığına səbəb olub. “Maşınların hərəkətindən buradan rahat keçmək mümkün deyil. Burada uşaqlarımız oynayırlar, onlar üçün də təhlükə yaranır. Bu qanunsuzluğun aradan qaldırılmasını istəyirik”, – deyə bina sakinləri qeyd ediblər.
