Gəncədə bina sakinləri məhəllələrinin baxımsız olmağına etiraz edirlər. Bu haqda Avtosfer.az-a istinadən xəbər veririk.
Söhbət 4-cü mikrorayonda yerləşən 13-cü binanın yolundan gedir. Burada yaşayan sakinlər yol problemindən əziyyət çəkirlər. Onların sözlərinə görə, bura 3 il əvvələ qədər yaxşı vəziyyətdə olub: "Yollarımız əvvəl asfalt idi. 3 il əvvəl su sistemlərinin yenilənməsi zamanı gəlib yolları qazdılar, bərbad vəziyyətə saldılar. Bizə demişdilər ki, yollar yenidən asfaltlanacaq, amma 3 ildir gözləyirik. Yolların hazırkı vəziyyəti sakinlərin gediş-gəlişini və nəqliyyat vasitələrinin hərəkətini çətinləşdirir", – deyə onlar əlavə ediblər.
Məhəllə sakinləri, həmçinin bildiriblər ki, onlar İcra Hakimiyyətinin Təsərrüfat şöbəsi ilə əlaqə saxlayıblar, amma zənglərinə cavab verən olmayıb.
