Gəncə sakinlərini narahat edən bir məsələ var. Bu haqda Gencexeber.az-a 19 iyun tarixində məlumat daxil olub.
Söhbət şəhərin Şah İsmayıl Xətai prospektindəki binanın qarşısından gedir. Prospektdə yerləşən park ərazisi hasara alınıb. Bu da ətrafda yaşayan sakinlərin etirazına səbəb olub.
Sakinlərin sözlərinə görə, park satılıb və tikinti işlərinə başlanılacaq: “İstirahət etdiyimiz yer əlimizdən alınıb. Burada uşaqlarımız çıxıb oynayırdılar. 3-4 gündür gəlib, hasar çəkiblər ağacları da kəsməyə başlayıblar. Biz burada tikintinin aparılmasına razı deyilik. Bura istirahət yeridir, tikinti aparılan yer deyil, uşaqlarımız burada təhlükəsiz istirahət edirdilər”, – deyə məhəllə sakinləri qeyd ediblər. Onlar bu məsələyə aidiyyəti qurumlar tərəfindən baxılmasını, həmçinin həll olunmasını istəyirlər.
Qeyd edək ki, xanlıq dövrünün simvolu şərəfinə ucaldılmış Gəncə Gerbi abidəsi də bu ərazidə yerləşir.
[modula id="61338"]
