Gəncədə küçənin bir hissəsi qaranlıqda qalıb. Bu haqda Gencexeber.az-a 18 iyun tarixində məlumat daxil olub.
Bu hal Qarabağ küçəsində müşahidə edilir. Adıçəkilən küçənin bir hissəsini qaranlıq bürüyüb. Sakinlərin sözlərinə görə, küçə yarımçıq işıqlandırılıb.
“Küçəmizin bir hissəsinə işıq dirəkləri qoyulub, yalnız o biri tərəfi qalıb. Hava qaranlanda küçə zülmətə qərq olur. Hərəkət etmək olmur”, - deyə məhəllə sakinləri qeyd ediblər. Onlar ərazilərinin tam şəkildə işıqlandırılmasını istəyirlər.
