Gəncədə KOBİM tərəfindən təlim baş tutub. Bu haqda 28 sentyabr tarixində KOBİM-ə istinadən xəbər veririk.
"Digital marketinq və sosial medianın satış üçün əhəmiyyəti" mövzusunda maarifləndirici təlim keçirilib. Burada 7 nəfər iştirak edib. Tədbirdə KOBİM-in eksperti tərəfindən sosial şəbəkələr, "Messenger" və digər rəqəmsal platformalardan istifadə xüsusiyyətləri, Sosial Media Marketinq, SEO (Google və digər axtarış sistemlərində optimizasiya), veb sayt, elektron ticarət, imeyl marketinq və s. kimi digital həllər barədə ətraflı məlumat verilib.
Həmçinin təlimdə iştirakçilara media resursları ilə şirkət məhsullarının təqdim edilməsi, əsas sosial platformalar və onların auditoriyası, reklam büdcəsi, müştərilərlə ünsiyyət bacarıqları, monitorinq və potensial müştərilərin cəlb edilməsi üsulları haqqında danışılıb.
Qeyd edək ki, maarifləndirici təlim Kiçik və Orta Biznesin İnkişafı Agentliyi tərəfindən təşkil olunub.
