Gəncə şəhər Heydər Əliyev Mərkəzinin və Ombudsmanın Qərb Regional Mərkəzinin təşkilatçılığı ilə 18 iyun – İnsan Hüquqları Günü ilə əlaqədar tədbir olub. Bu haqda 13 iyun tarixində Heydər Əliyev Mərkəzinə istinadən xəbər veririk.
“Sağlam ətraf mühit hüququ” mövzusunda tədbir baş tutub. Burada Regional Mədəniyyət İdarəsinin tabeliyində fəaliyyət göstərən mədəniyyət müəssisələrinin əməkdaşları iştirak ediblər. Tədbirdə qeyd edilib ki, son illər ölkəmizdə bütün sahələrdə həyata keçirilən əsaslı islahatlar insan hüquq və azadlıqlarının etibarlı şəkildə təmin olunması mexanizmlərinin daha da təkmilləşdirilməsini təmin edib.
Daha sonra müasir şəraitdə ekologiyanın, ətraf mühitin qorunmasının önəmli məsələ olduğu qeyd edilib, Azərbaycanda keçiriləcək COP29-un əhəmiyyətindən söz açılıb.
