“Uşaq Səfirlər Məclisi”nin Gəncə şəhəri üzrə region nümayəndələri və onlara dəstək üçün seçilən 21 fəal şagird də “Yaşıl dünya naminə həmrəylik ili”nə həsr olunmuş aksiya keçiriblər. Bu haqda 7 iyun tarixində İcra Hakimiyyətinə istinadən xəbər veririk.
Heydər Əliyev Park-Xiyaban Kompleksində baş tutan tədbirdə İcra Hakimiyyətinin, Regional Təhsil İdarəsinin nümayəndələri və park-xiyaban kompleksinin əməkdaşları iştirak ediblər. Şagirdlər tərəfindən hazırlanmış 43 quş və 5 sahibsiz küçə heyvanı üçün nəzərdə tutulan yuvalar ərazidə yerləşdirilib.
