Gəncədə "Bir kərə yüksələn bayraq" adlı intellektual məktəb çempionatının zona mərhələsi təşkil olunub. Bu haqda 29 may tarixində Regional Təhsil İdarəsinə istinadən xəbər veririk.
Yarış ümumi təhsil müəssisələrinin şagirdlərinin iştirakı ilə Məmməd Əmin Rəsulzadənin 140 illiyinə həsr olunub. Müsabiqənin yekun nəticəsinə əsasən, 32 nömrəli tam orta məktəbin komandası zona turunun qalibi olub. Qalib komanda kubok və medallarla mükafatlandırılıb.
Qeyd edək ki, çempionatın keçirilməsinin əsas məqsədi yeniyetmə və gənclərin intellektual və yaradıcılıq bacarıqlarının inkişafına kömək etmək və onların müxtəlif sahələrdə dərin biliklərə sahib olmalarını dəstəkləməkdir.
