Gəncədə küçələrin birində yeni kanalizasiya və su sistemi çəkilir. Bu haqda Gencexeber.az-a 4 iyun tarixində məlumat daxil olub.
Sözügedən işlər şəhərin Cavad bəy Rəfibəyli küçəsində aparılır. Əraziyə aidiyyəti qurumun canlı qüvvə və texnikası cəlb olunub.
Texnika vasitəsilə küçə qazılır. Daha sonra həmin əraziyə müvafiq olaraq, yeni kanalizasiya və su boruları yerləşdirilir.
Qeyd edək ki, kommunal işlər səbəbindən küçənin bir hissəsində hərəkət məhdudlaşıb.
