AMEA Gəncə Bölməsinin dəyirmi salonunda bölgənin ekoloji problemləri müzakirə edilib. Bu haqda 15 may tarixində Azərbaycan Milli Elmlər Akademiyasi Gəncə Bölməsinə istinadən xəbər veririk.
Tədbir “Gəncənin ekoloji problemləri. Torpaq və su ehtiyatlarının qorunması” mövzusunda təşkil olunub. Burada Gəncə və onun ətraf bölgəsində çalışan alim və tədqiqatçıların bu coğrafiyanın təbiəti və insan resursları üçün birbaşa və dolayısı ilə təhlükə yarada bilən məsələlərin həlli yönündə fəaliyyətlərinin gücləndirməsinin vacibliyi qeyd edilib. Sonra dəyirmi masanın elmi məruzələri dinlənilib.
Müzakirələrin yekununda AMEA Gəncə Bölməsinin sədri akademik Fuad Əliyev iştirakçılara fəallıqlarına görə minnətdarlıq bildirərək, bu görüşü bölgəmizin ekoloji məsələlərinin elmi həllinə töhfə verilməsi istiqamətində daha bir addım kimi səciyyələndirib. Akademik Fuad Əliyev cənab Prezidentin dünyanın ekoloji problemlərinin həllinə Azərbaycanın əhəmiyyətli töhfələr verməsi məsələsinə diqqətlə yanaşdığını qeyd edib.
