Gəncədə “Yaşıl dünya naminə həmrəylik ili” çərçivəsində növbəti gül əkini aksiyası keçirilib. Bu haqda 21 may tarixində İcra Hakimiyyətinə istinadən xəbər veririk.
Mənzil Kommunal Təsərrüfatı İstehsalat Birliyi şəhərin park və xiyabanlarına, yol kənarlarına mövsümi gül əkini kompaniyasını davam etdirir. Yaşıllaşdırma aksiyası bu dəfə Atatürk prospektində, Gəncə Qala Qapıları-Arxeologiya və Etnoqrafiya Muzeyi Abidə Kompleksinin ərazisində həyata keçirilib.
Sözügedən ərazilərdə yaşıllıq zolaqları və gül tumbaları güllərlə bəzədilib. Mövcud və yeni əkilən yaşıllığa aqrotexniki qulluq göstərilib. Aksiyaya qurumun əməkdaşları və müxtəlif təyinatlı texnikaları cəlb edilib.
Qeyd edək ki, yaz fəsli başlayandan şəhər ərazisində mövsümi güllərin əkini davam edir.
