Gəncədə bir sıra ərazilərdə yolların bir hissəsinin təmirə ehtiyacı var. Bu haqda Gencexeber.az-a 18 iyun tarixində məlumat daxil olub.
Söhbət Atatürk prospekti, Dədə Yediyar (keçmiş Vatutin), Ağamirzə Əhmədov, Mirhüseyn Seyidzadə və Şeyx Şamil küçələrindən gedir. Adıçəkilən ərazilərdəki yolların bir hissəsində asfalt çöküb.
Sürücülərin sözlərinə görə, bu vəziyyət onları narahat edir. Yaranmış çöküntülər avtomobillərə ziyan vurur. Onlar yollardakı maneənin aradan qaldırılmasını istəyirlər. Ağamirzə Əhmədov və Şeyx Şamil küçələrində sakinlər xəbərdarlıq üçün çöküntülərin içinə və kənarlarına taxta və daş parçaları qoyublar.
Bundan əlavə, Nizami küçəsindəki piyada yolu yararsız hala düşüb. Səkinin kənarlarındakı bordürlər dağılıb.
[modula id="61267"]
