Gəncədə bir neçə küçə və prospektdə lüklər təmir edilməlidir. Bu haqda Gencexeber.az-a 7 iyun tarixində məlumat daxil olub.
Bu hal şəhərin Tofiq Bağırov, Bayan, Əkbər Babayev küçələrində və Dədə Qorqud küçəsi ilə Nizami Gəncəvi prospektinin kəsişməsində müşahidə edilir. Adıçəkilən ərazilərdəki lüklərin təmirə ehtiyacı var.
Küçə ilə prospektin kəsişməsində və Əkbər Babayev küçəsində olan lüklər asfalt örtüyünün səviyyəsindən aşağıda yerləşir. Digər küçələrdə isə lüklər qapaqsız vəziyyətdədir. Tofiq Bağırov küçəsinin sakinləri xəbərdarlıq üçün lükun üstünə kərpic və ağac budaqları qoyublar. Onların sözlərinə görə, lüklərin cari vəziyyəti piyadalar və avtomobillər üçün təhlükə mənbəyidir.
