Gəncədə təmizlik aksiyası keçirilib. Bu haqda 1 iyun tarixində MKTİB-yə istinadən xəbər veririk.
Heydər Əliyev və Atatürk prospektində, Zülfü Hacıyev və Mikayıl Rəhimov küçələrində, həmçinin adıçəkilən prospekt və küçələrlə kəsişən dalan və döngələrdə kompleks təmizlik işləri aparılıb. İməcilik Mənzil Kommunal Təsərrüfatı İstehsalat Birliyi tərəfindən aparılıb.
Qurumun canlı qüvvəsi və texnikalarının cəlb olunduğu aksiyada adıçəkilən ünvanlarda məişət tullantıları üçün konteynerlərin ətrafında səliqə-səhman yaradılıb, bəzi yaşayış binalarının məhəllə və ətraflarında iməcilik keçirilib. Qeyd edək ki, ötən həftə yağan leysan xarakterli yağış və güclü külək nəticəsində bəzi ərazilərdə yığılıb qalan palçıq və ağac qırıntıları da bir yerə toplanaraq ərazidən daşınıb.
