Azərbaycan Texnologiya Universitetinin təşkilatçılığı, Yeni Azərbaycan Partiyası Gəncə Şəhər Təşkilatının, Regional Gənclər və İdman İdarəsinin və Gənclər Evinin dəstəyi ilə ulu öndər Heydər Əliyevin 101 illiyinə həsr edilmiş "Əzm Marafonu 2" yarışı keçirilib. Bu haqda 10 may tarixində ATU-ya istinadən xəbər veririk.
Marafon Gənclər Evinin önündən start götürüb, finiş xətti Zəfər Tağında yerləşib. 500 nəfərin qatıldığı yarışda birinci, ikinci və üçüncü yeri tutan qalib qızlar və oğlanlar mükafatlandırılıblar. Burada ali və orta ixtisas təhsili, eləcə də idman məktəblərinin tələbələri və şagirdləri iştirak ediblər.
