“Mədəniyyət və Turizm Sənayesi” jurnalında Gəncə haqqında məqalə yazılıb. Bu haqda 10 may tarixində Regional Turizm İdarəsinə istinadən xəbər veririk.
Adıçəkilən jurnalda “Azərbaycanın mirvarisi Gəncə’’ adlı təbliğat məqaləsi dərc edilib. Burada qədim ölkə sayılan Azərbaycanın qərbində yer alan, böyük filosof Nizami Gəncəvinin doğma yurdu, Bakı şəhərindən yalnız bir neçə saatlıq məsafədə yerləşən və bununla da turistlər üçün əlçatan hesab edilən şəhər haqqında müvafiq məlumatlar qeyd edilib.
Daha sonra isə məqalədə tarixi abidə olan, 17-ci əsrdə Şah Abbasın göstərişi ilə ərsəyə gətirilən Şah Abbas məscidi, Heydər Əliyev parkı, turistlərin böyük marağına səbəb olan butulka ev, Azərbaycan Xalq Cümhuriyyətinin tarixi, onun mövcud olan tarixi binası və müasir dövrdə dini turizm üçün əlverişli olan İmamzadə türbəsi barəsində danışılıb.
Yekun olaraq, məqalədə Azərbaycan Respublikası Prezidentinin Fərmanı ilə yaradılmış Gəncə Regional Turizm İdarəsinin turizm sahəsində dövlətin regional səviyyədə turizm siyasətini həyata keçirməsi və regionda turizm infrastrukturunu inkişaf etdirərək davamlı turist axınının təmin edilməsi barədə məlumatlar əks etdirilib.
