Regional Məşğulluq filialı, Azərbaycan Dövlət Aqrar Universiteti və Azərbaycan Texnologiya Universitetinin birgə təşkilatçılığı ilə Gəncədə əmək yarmarkası keçiriləcək. Bu haqda 29 may tarixində Dövlət Məşğulluq Agentliyinə istinadən xəbər veririk.
Yarmarka mayın 29-da Azərbaycan Texnologiya Universitetində, mayın 30-da Azərbaycan Dövlət Aqrar Universitetinin Tələbə parkında saat 10:00-13:00-da olacaq. Burada istirak edən namizədlər şəxsiyyət vəsiqələrini təqdim etməlidilər və CV nümunəsi ilə birlikdə gəlmələri arzuolunandır. Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq.
Qeyd edək ki, ATU Şah İsmayıl Xətai prospekti, 103, ADAU-nun Tələbə parkı isə Ozan küçəsi, 102 ünvanlarında yerləşir.
