Rusiyadan bir qrup professor-müəllim və tələbə heyəti Gəncəyə səfər ediblər. Bu haqda 7 dekabr tarixində Azərbaycan Dövlət Aqrar Universitetinin saytında məlumat paylaşılıb.
Səfər Rusiya Milli Elmlər Akademiyasının həqiqi üzvü, baytarlıq elmləri doktoru, akademik Anatoliy Stekolnikovun rəhbərliyi ilə baş tutub. Universitetin rektoru, AMEA-nın müxbir üzvü, professor İbrahim Cəfərov qonaqları görüşdə ADAU-nun Tələbə Evləri, yeni tədris korpusu, laboratoriyaları ilə tanış edib.
Səfərin məqsədi qarşılıqlı əməkdaşlığın inkişaf etdirilməsi, birgə tədqiqat layihələrinin, tədris proqramlarının hazırlanması, tələbə-müəllim mübadiləsi, kadr hazırlığı və digər məsələlərdir.
