Gəncədə qalib yeniyetmələr təltif ediliblər. Bu haqda 16 may tarixində Regional Mədəniyyət İdarəsinə istinadən məlumat veririk.
Bir neçə gün öncə təmsilçilərimizin respublika yarışında qalib gəlməsi barədə xəbər paylaşmışdıq. Gəncə-Daşkəsən Regional Mədəniyyət İdarəsinin rəisi Pərvin Kazımov “Xəmsə” nağara ifaçıları ansamblının üzvləri ilə görüşüb. Rəsmi tərəfindən təmsilçilərimizə əldə etdikləri uğur münasibətilə “Təşəkkürnamə”lər təqdim olunub.
Xatırladaq ki, “Xəmsə” nağara ifaçıları ansamblı zərb çalğı alətlərinin müxtəlif növlərinin ifası üzrə uşaq və gənclərin V Respublika festival-müsabiqəsinin finalında “Nağara, Qrup, Yaş qrupu: 12-16” nominasiyası üzrə I yerə layiq görülmüşdü.
