Gəncədə Fövqəladə Hallar Nazirliyi seminar-müşavirə keçirib. Bu haqda 26 iyul tarixində Apa-ya istinadən xəbər veririk.
Tədbir FHN və Ekologiya və Təbii Sərvətlər Nazirliyinin birgə təşkilatçılığı ilə Regional Dövlət Yanğın Nəzarəti İdarəsində baş tutub. Burada Regional idarənin rəisi Kənan Aşurov, regional DYNİ-nin, İcra Hakimiyyətinin, Regional meşə təsərrüfatı mərkəzlərinin və regional ekologiya idarələrinin nümayəndələri iştirak ediblər.
Seminarda polkovnik-leytenant Kənan Aşurov bildirib ki, ölkəmizdə meşə yanğınları daha çox şimal-qərb bölgəsində baş verir. Hadisələr, əsasən, turistlərin nəzarətsiz qoyduqları ocaqlarla bağlı olur.
Qeyd edək ki, tədbirdə, həmçinin kənd təsərrüfatında əkin sahələri və nəzarətsiz sahələrin yandırılmasına qarşı mübarizə aparılmasının vacibliyi qeyd edilib.
