Gəncədə Avropa çempionu təntənəli qarşılanıb. Bu haqda 14 may tarixində Regional Gənclər və İdman idarəsinə istinadən məlumat veririk.
Avropa çempionatında iki mükafata layiq görülən idmançımız Rauf Əliyev Vətənə qayıdıb. Bununla bağlı qarşılama mərasimi təşkil olunub. Burada Gəncə-Daşkəsən Regional Gənclər və İdman İdarəsinin rəisi İntiqam Hüseynov, idarənin kollektivi və idman ictimaiyyəti iştirak ediblər. İdmançı bodibilder yarışında uğurlu nəticəsinə görə təbrik edilib.
Xatırladaq ki, Rauf Əliyev Beynəlxalq Fitnes və Bodibildinq Fedarasiyasının təşkilatçılığı ilə İspaniyanın Santa Susanna şəhərində “IFBB Europa Championship” adlanan Avropa çempionatında I yeri qazanaraq, Avropa və Overall çempionu statusunu alıb.
