Gəncədə qiyabi təhsil alan tələbələrlə görüş olub. Bu haqda 10 yanvar tarixində Gəncə Dövlət Universitetinə istinadən məlumat veririk.
Gəncə Dövlət Universitetində qiyabi təhsil alan tələbələrin dərsləri başlayıb. Bununla bağlı Qiyabi şöbənin müdiri, dosent İlqar Kubışov tələbələrlə görüşüb və onlara dərslərində uğurlar arzulayıb.
Bildirilib ki, tələbələrin zəruri dərsliklərlə təmin edilməsi, dərslərin keyfiyyətli təşkili və imtahan sessiyalarının obyektiv keçirilməsi üçün lazımi işlər görülüb. Həmçinin payız semestrinin imtahan sessiyasının 25 yanvar tarixində başlayacağı tələbələrin nəzərinə çatdırılıb.
Qeyd edək ki, qiyabi təhsil alan tələbələrin payız sessiyası 2 fevral tarixinədək davam edəcək.
