Gəncədə bir neçə dəfə işıqlandırdığımız problem həllini tapmayıb. Bu haqda Gencexeber.az-a 17 dekabr tarixində məlumat daxil olub.
Şəhərin Atatürk prospekti ilə Ruzigar Qasımov küçəsinin kəsişməsində işıqforun yanındakı lükün qapağı yoxdur. Bu kanalizasiya quyusunun ağzı uzun müddətdir ki, açıqdır.
Bu hal dəfələrlə qəza şəraiti yaradıb, avtomobillərin təkərləri quyuya düşüb. Lükün üstündə qapağın olmaması həm sürücülər, həm də piyadalar üçün təhlükə mənbəyidir.
Sakinlərin sözlərinə görə, quyuya tez-tez maşınların təkəri düşür.
