Gəncə şəhərində "Yaşıl dünya naminə həmrəylik ili" çərçivəsində yarış keçiriləcək. Bu haqda 13 may tarixində Regional Təhsil İdarəsinə istinadən xəbər veririk.
"Bank Respublika"nın dəstəyi ilə "ECOVELOFEST" təşkil ediləcək. Burada məqsəd yaşıl dünya naminə ölkəmizin bütün regionlarının qadın təhsil işçiləri arasında həmrəyliyi təmin etmək, sağlam həyat tərzinin təbliği, regionlarda velosiped idmanının təşviqidir.
Yarış 25 may tarixində olacaq. Bütün iştirakçılara qiymətli hədiyyələr, ilk 3 yeri tutan iştirakçılara isə pul mükafatı təqdim ediləcək. Birinci yerə 1000 manat, ikinci yerə 600 manat, üçüncü yerə 300 manat mükafat veriləcək. Velofestivalda iştirak etmək istəyən qadın təhsil işçiləri aşağıdakı link vasitəsilə qeydiyyatdan keçə bilərlər.
Qeydiyyat üçün son tarix 13 may saat 18:00-dır.
